Fljúgi, fljúgi...

Nú sit hér uppgefin við fartölvuna. Ekki byrjuð að pakka og flugvélin fer eftir rúma 17 tíma. Seinustu klukkutímunum (og í raun dögunum) er ég búin að eyða í að vafra um netið í leit að hagstæðu flugfari til suður Frakklands í ágúst. Ég er viss um að flugfélögin eru í einhverju samráði. Ef að ég finn ódýrt flug til London þá er flugið frá London til Nice í Frakklandi heeeeví dýrt. Eða öfugt. Hvað er málið? Það er bara ekki eðlilegt að þurfa að borga rúmlega 60þús kall fyrir þetta á "lægstu fargjöldum" að sögn flugfélaganna. Díses. Flugfélög eins og "Cheapairlines" og "EasyJet" eru bara ekki að gera góða hluti. Þetta er í alvörunni ömurlegt....

...en ég held ég verði bara að gefast upp á leytinni að ódýru fari og taka þessu okri - því ef ég gefst ekki upp á ég aldrei eftir að mæta út á flugvöll á réttum tíma á morgun! Mín bíður ekki bara Spánn - heldur líka Jón Gunnar! Kappinn er búin að vera úti í 3 vikur og við höfum mælt okkur mót, við fimm stelpurnar og Jón Gunnar. Jón Gunnar hafði orð á því áður en við fórum út að hann langaði rosalega að kíkja með okkur á hommaströnd rétt fyrir utan Barcelona. Hver veit, hver veit.

Ég hyggst blogga hér á næstu 4 vikum um lífið í Barcelona og koma með heitasta slúðrið og ferðasögurnar.

Bless allir. Kv. Bára

P.S. Það geta allir verið heimsborgarar.